Forstjóri í kanínuholunni?

Byltingarkenndur og umdeildur nýr tölvuleikur er í smíðum hjá CCP og á spjallborðum er tekist á um þaulsetinn forstjóra fyrirtækisins

Það er torfæra fram undan hjá Hilmari Veigari Péturssyni, að koma á fót nýjum bálkakeðjutölvuleik, en það tilheyrir þegar menn nema nýjar lendur.

Eitt öflugasta nýsköpunarfyrirtæki Íslendinga á síðari árum er CCP. EVE Online er sögulega vel heppnað verkefni, tölvuleikur sem hátt í tíu milljónir manna spila og þar af eru margir sem gætu illa eða ekki lifað án leiksins. CCP var selt til kóresks fyrirtækis fyrir 46 milljarða króna árið 2018 en hefur enn starfsemi á Íslandi og undir sama íslenska forstjóra, Hilmari Veigari Péturssyni.

Hilmar fékk þrjá milljarða í sinn hlut á sínum tíma og hefði getað sest í helgan stein og farið að spila tölvuleiki til lífstíðar, en sú leið var ekki farin. Í staðinn hefur hann miklar hugsjónir um framtíð bæði EVE Online en einnig nýs tölvuleikjar, sem fengið hefur nafnið Project Awakening.