Þau ágætu tíðindi voru flutt landsmönnum á dögunum að ekkert Covid-smit hefði greinst í landinu í heila viku. Veiran er að hverfa, sögðu heilbrigðisstarfsmenn í viðtölum, með fyrirvara um breytingar. Og eins og þessi veira sé ekki löngu horfin úr lífi langflestra.
Samkomulag ríkti um það í faraldrinum á meðal helstu aðila að Covid-19 hafi ekki átt upptök sín á tilraunastofu, heldur á markaði með dýraafurðir í Wuhan í Kína.
Þetta var fyrir þremur til fjórum árum. Nú er nokkurt vatn runnið til sjávar og skoðun manna á þessu atriði hefur breyst.
