Okkur á að líða svona

Það er ekki tilviljun að bókstaflega öllum spurningum þínum sé ósvarað

Bjarni Benediktsson vissi á laugardaginn af niðurstöðu umboðsmanns Alþingis en fyrst á ellefta tímanum í morgun greindi hann frá afsögn sinni úr embætti ráðherra. 

Það var ekki svo að á þremur dögum hafi honum ekki gefist tími til að ákveða hvað í ósköpunum tæki við í ráðherrahópnum, í þingflokki sínum eða í ríkisstjórnarsamstarfi sínu þegar hann segði af sér öllum að óvörum.

Bjarni virðist raunverulega vera á útleið úr stjórnmálum.

Öllu heldur var það meðvituð ákvörðun hjá Bjarna að öllum stóru spurningunum væri ósvarað þegar hann gengi út af blaðamannafundinum og að þjóðin sæti eftir eins og aumingi.

Verðurðu áfram formaður? Er ríkisstjórninni slitið? Ætlarðu bara að skipta um stól við Þórdísi Kolbrúnu? Hvað er eiginlega í gangi?