Ærandi augnablik í kappræðum

Svaraðu, Halla Hrund! Höllu gæti mögulega tekist að verða forseti, en er það samt? Við þurfum að hafa nokkur atriði í huga.

Um Höllu: Hún var skipuð orkumálastjóri árið 2021. Hún starfar jafnframt sem aðjúnkt við Harvard þar sem hún kennir á meistarastigi. Hún hefur, eins og Katrín Jakobsdóttir, tengsl við World Economic Forum, þótt líklega sé ekki ástæða til að taka þeirri tengingu mjög alvarlega. En það er fyndið. Það er mikið á efasemdarmenn lagt þessa vertíðina.

Góðan dag, kæru lesendur, og takk fyrir hressilega helgi undirlagða frjóum umræðum um hlutverkaskiptingu kynjanna á tuttugustu og fyrstu öld. Mörgum óaði að heyra í poppstjörnu lýsa sinni sýn á hlutina. Svo verður að vera. Eftir stendur hið verðuga umhugsunarefni: Af hverju lengjast vaktirnar, af hverju eykst vinnuálag og af hverju harðnar lífsbaráttan á tímum tækniþróunar sem ætti að hafa öfug áhrif? Þetta er alltént tilfinning margra. Meira um það síðar.

Sumarið er komið og það styttist í forsetakosningar. Hefur einhver veitt því athygli að nær engin markverð vending í kosningabaráttunni hefur hlotist af umfjöllun Ríkisútvarpsins?