Af tæknilegum ástæðum var ekki unnt að láta fylgja með hljóðútgáfu af þessari grein. Beðist er velvirðingar.
Sífellt fleiri búa í leiguhúsnæði á Íslandi. Sífellt fleiri íbúðir eru í eigu aðila sem eiga fleiri en eina íbúð (eru sem sagt að stunda viðskipti með íbúðareignina, en búa ekki í henni).
Þetta hefur verið stöðug þróun frá aldamótum þrátt fyrir að í orði kveðnu sé „séreignastefna“ við lýði hjá stjórnvöldum. Það er sem sagt yfirlýst stefna að fólk búi í eigin húsnæði og sá möguleiki er ein af byltingum nútímans. Á okkar tímum hefur verið litið svo á að þetta sé bæði gjöfulla fyrirkomulag fyrir einstaklinginn og samfélagið.
