Við erum betra fólk en þú

Auglýsing með forsetanum gegn hans vilja er eitthvað sem reyndur viðskiptamaður myndi undir eðlilegum kringumstæðum aldrei gerast sekur um. Spurningin er því: Hvernig í ósköpunum gat þetta gerst?

Forseti vor Halla T. virðist sloppin með skrekkinn eftir misheppnaða auglýsingabrellu Egils Jóhannssonar forstjóra Brimborgar, enda hefur hann nú fallist á að Halla hafi ekki veitt leyfi fyrir myndbirtingunni.

„Við töld­um okk­ur birta mynd­ina í góðri trú en þar hef­ur orðið mis­skiln­ing­ur um að heim­ild til mynda­töku gilti sem heim­ild til birt­ing­ar. Því var mynd­in sam­stund­is tek­in úr birt­ingu þegar ósk um það kom,“ segir í tilkynningu.

Verðandi forsetahjón voru að festa kaup á þessari bifreið sem einstaklingar og viðskiptin voru embættinu því óviðkomandi. Að taka mynd af viðskiptavinum í þeim erindagjörðum og birta á samfélagsmiðlum án heimildar er í besta falli vítavert gáleysi.

Raunar er slík birting eitthvað sem reyndur viðskiptamaður myndi undir eðlilegum kringumstæðum aldrei gerast sekur um. Spurningin er því: Hvernig í ósköpunum gat þetta gerst?