Við erum öll í költi

Er vegan trúleysingjapírati virkilega trúlaus – eða getur verið að hann sé raunar margfalt trúaðri en andlausi „kristni“ meðaljóninn í næsta raðhúsi?

Mynd tengist efninu óbeint. Gamalt kosningaefni frá Pírötum. Horfðu til himins!

Ég veit ekki hvað bændasamtökin segja um nýjustu róttæku mótmælin úti í heimi, og þar á ég ekki við fjöldamótmæli bænda í Þýskalandi, heldur aktívista sem skvettu súpu á Monu Lisu um helgina og kölluðu: „Hvort er mikilvægara, list eða réttur okkar til heilbrigðrar og sjálfbærrar fæðu?“

Þetta er auðvitað áleitin spurning, þótt vafalaust líti flestir svo á að skemmdarverk á helgustu gersemum vestrænnar menningarsögu séu óþarflega harkaleg aðferð til að setja málið á dagskrá.